An' physically causes seek,

In clime and season,

But tell me Whisky's name in Greek,

I'll tell the reason.

SCOTLAND, my auld, respected Mither! Tho' whyles ye moistify your leather, Till whare ye sit, on craps o' heather, Ye tine your dam;

Freedom and Whisky gang thegither,

Tak aff your dram!

THE HOLY FAIR*.

A robe of seeming truth and trust

Hid crafty Observation;

And secret hung, with poison'd crust,
The dirk of defamation :

A mask that like the gorget show'd,
Dye-varying on the pigeon;
And for a mantle large and broad,
He wrapt him in Religion.

HYPOCRISY A-LA-MODE.

I.

UPON a simmer Sunday morn,
When Nature's face is fair,

I walked forth to view the corn,
An' snuff the caller air,

The rising sun owre Galston muirs,

Wi' glorious light was glintin;
The hares were hirplin down the furs,
The lav'rocks they were chantin

Fu' sweet that day.

* Holy Fair is a common phrase in the West of Scot

land for a sacramental occasion.

II.

As lightsomely I glowr'd abroad,
To see a scene sae gay,

Three Hizzies, early at the road,
Cam skelpin up the way:

Twa had manteeles o' dolefu' black,
But ane wi' lyart lining;

The third, that gaed a-wee-a-back,
Was in the fashion shining,

Fu' gay that day.

III.

The twa appear'd like sisters twin,
In feature, form an' claes!
Their visage, wither'd, lang an' thin,

An' sour as ony slaes;

The third cam up, hap-stap-an'-lowp,

As light as ony lambie,

An' wi' a curchie low did stoop,

As soon as e'er she saw me,

Fu' kind that day.

IV.

Wi' bonnet aff, quoth I,

< Sweet lass,

• I think ye seem to ken me;

ན